کراچی (نوائے وقت رپورٹ) کراچی کے علاقے منگھو پیر میں سی ٹی ڈی نے کارروائی میں تین دہشت گرد گرفتار کرلئے۔ سی ٹی ڈی حکام کے مطابق گرفتار دہشت گردوں کے قبضے سے اسلحہ برآمد کرلیا گیا دہشت گردوں میں سیف الرحمن عرف بڈھا‘ تاج محمد اور عادل شامل ہے۔ دہشت گردوں سے خودکش جیکٹس‘ دستی بم‘ دوکلو بال بیرنگ برآمد کرلئے گرفتار دہشت گردوں کا تعلق کالعدم ٹی ٹی پی سوات سے ہے۔ انہوں نے وزیرستان سے تربیت حاصل کی۔کراچی کے مختلف علاقوں میں تشدد اور فائرنگ کر کے دو افراد کو ہلاک کر دیا گیا۔ ان میں سے ایک کی لاش سہراب گوٹھ پل کے نیچے سے ملی جس کی شناخت 30 سالہ غوث اللہ کے نام سے ہوئی۔ ابتدائی تفتیش کے دوران معلوم ہوا ہے کہ مقتول پشاور کا رہنے والا تھا اور کراچی میں سہراب گوٹھ کے علاقے میں محنت مزدوری کرتا تھا ادھر شرافی گوٹھ کے علاقے سے بھی ایک شخص کی تین چار دن پرانی لاش ملی ہے جسے فائرنگ کر کے ہلاک کیا گیا تھا۔