ریوڈی جنیرو (سپورٹس ڈیسک ) ریوا ولمپکس کے دوران ٹینس کی نئی نویلی دلہنیں بھی میڈلز کی دوڑ میں شامل ہوں گی، اینا ایوانووک اور ٹسیٹو انا پیر نکوواہنی مون سے لوٹتے ہی میگا ایونٹ کی تیاری میں مصروف ہو گئیں ، ڈومینکا سبلکو وا انجری کے سبب گیمز سے دستبردار ہو گئیں ، نئے دولہا فابیو فوگنینی بھی اطالوی دستے کو رونق بخشتے دکھائی دیں گے۔ سابق فرنچ اوپن چیمپئن اینا ایوانوواک اور ایک مرتبہ ومبلڈن سیمی فائنلسٹ ٹسیٹوانا پیر نکووا کے ساتھ اٹلی کے مرد ٹینس پلیئر فابیو فوگنینی بھی شامل ہیں۔ 28 سالہ اینانے جرمن فٹبال سٹار باستین شیوانسٹیگر سے گزشتہ ماہ شادی کی ،بلغاریہ کی ٹسیٹو انا کی شادی سابق فٹبالر میہا ئیل مرچوف سے جولائی میں ہوئی۔ اٹلی کے فوگنینی کی شادی اپنی پرانی دوست اور ٹینس سٹار فلادیا پنیٹا سے جون میں ہوئی ۔