کوہاٹ‘ فائرنگ‘ خاتون سمیت 2 جاں بحق: پشاور‘ بم دھماکے کا زخمی اہلکار چل بسا
پشاور+ کوہاٹ+ ہنگو (نامہ نگار+ ایجنسیاں) کوہاٹ میں فائرنگ کے مختلف واقعات کے دوران خاتون سمیت دو افراد جاں بحق ہوگئے۔ چکڑ میلہ میں بدچلنی کے شبہ میں عاطف نے فائرنگ کرکے اپنی پھوپھی زاد بیٹی مسماۃ شاہانہ کو موت کے گھاٹ اتار دیا۔جنانہ دی مالوچو ملز کے رہائشی کالونی میں نامعلوم ملزمان کی فائرنگ سے ملز ملازم محمد اصغر جاں بحق ہوگیا۔ ادھر پشاور چارسدہ روڈ پر بم دھماکہ میں زخمی ہونیوالا ٹریفک پولیس اہلکار سجاد جاں بحق ہو گیا۔ ادھر اورکزئی ایجنسی اور کوہاٹ کے سرحدی علاقے میں فورسز کی کارروائی کے دوران 2 خود کش جیکٹیں،تین کلو کا بم پکڑا گیا۔
