بلوچستان کے اضلاع چمن پشین اور دیگر علاقوں میں زلزلہ
اسلام آباد (اے پی پی) بلوچستان کے اضلاع چمن اور پشین سمیت دیگر علاقوں میں جمعرات کی علی الصبح زلزلے کے جھٹکے محسوس کئے گئے۔ زلزلے کی اطلاع دینے والے مرکز کے مطابق زلزلے کی شدت ریکٹر سکیل پر 4.7 تھی۔ زلزلے کے باعث لوگوں کی بڑی تعداد کلمہ طیبہ کا ورد کرتے ہوئے گھروں سے باہر نکل آئی۔ زلزلہ پیما مرکز کے مطابق زلزلے کا مرکز پشین سے51کلومیٹر مغرب میں 35کلو میٹر گہرائی تھا۔ زلزلے سے کسی جانی یا مالی نقصان کی اطلاع موصول نہیں ہوئی ۔
