اسلام آباد + لاہور(سپورٹس رپورٹر+ نمائندہ سپورٹس+ نوائے وقت رپورٹ) باکسر عامر خان نے کہا ہے کہ پاکستان میں نوجوان باکسنگ کی طرف آنا چاہتے ہیں۔ اولمپکس میں پاکستان باکسر نہ بھیجنا مایوس کن ہے۔ یہاں آنے کا مقصد پاکستان میں باکسنگ کا فروغ ہے۔ آئندہ اولمپکس میں پاکستان کی جانب سے باکسر بھیجیں گے۔ اکیڈمی کا مقصد پیسہ بنانا نہیں ٹیلنٹ کو آگے لانا ہے۔ آئندہ اولمپکس کیلئے پاکستانی باکسرز تیار کریں گے۔ پاکستانی باکسرز نے مجھے بہت متاثر کیا ہے۔ پاکستان میں باکسنگ کا بہت ٹیلنٹ ہے۔ انگلینڈ جانے سے پہلے زیادہ سے زیادہ لڑکوں کو تربیت دینا چاہتا ہوں۔ چند برسوں میں پاکستانی بھی میڈل حاصل کرینگے۔ تین سے چار سال میں ٹیلنٹ کو بین الاقوامی سطح پر لے جائیں گے۔