گجرات (نامہ نگار) کھوہار میں سی ٹی ڈی اور مقامی پولیس نے دہشت گردوں کی پناہ گہ پر مشترکہ چھاپہ مارا جہاں پہلے سے موجود 5 دہشت گردوں نے سی ٹی ڈی اور پولیس پر فائرنگ کر دی جسکے نتیجہ میں ایک نامعلوم دہشت گرد ہلک ہو گیا جبکہ 4 فرار ہو گئے۔ پولیس نے نعش تحویل میں لے کر ملزم کی شناخت کیلئے تفتیش شروع کر دی۔ ملزم نے ظاہر آباد مسجد کو دہشت گردی کے لئے ٹھکانہ بنا رکھا تھا، دہشت گردوں کے قبضہ سے ہینڈ گرنیڈ اور 2 کلاشنکوف برآمد ہوئیں۔ پولیس کی بھاری نفری نے علاقے کو گھیر کر سرچ آپریشن شروع کر دیا۔ فرار ملزموں کی گرفتاری کیلئے ڈی پی او سہیل ظفر چٹھہ نے ضلع گجرات کے داخلی و خارجی راستوں پر بھاری نفری تعینات کر دی۔