فیروز والا: کھدائی کے دوران مٹی کا تودہ گرنے سے 2 مزدور جاں بحق، ایک زخمی
شیخوپورہ + فیروز والا (نامہ نگار خصوصی+ نمائندہ نوائے وقت+ نامہ نگار) نواحی قصبہ کوٹ پنڈی داس میں کھدائی کے دوران مٹی کا تودہ گرنے سے چار مزدور ملبے تلے دب گئے۔ دو جاں بحق، ایک شدید زخمی سمیت 2 مزدوروں کو بچا لیا گیا۔ بتایا گیا ہے کہ شورکوٹ اور ملتان کے چار مزدور محمد آصف، طاہر علی، گل شیر اور ظفر علی زیر تعمیر سٹیل ملز میں کام کر رہے تھے۔ 50 فٹ گہری کھدائی کے دوران مٹی کا تودہ ان پر آگرا جس کے تلے چاروں مزدور دب گئے۔ دیگر مزدوروں نے جدوجہد کر کے ا یک مزدور ظفر علی کو بچا لیا جبکہ دو مزدور آصف اور طاہر علی جاں بحق ہو گئے۔ ایک مزدور گل شیر ز خمی ہو گیا۔ ریسکیو کے عملے نے جدوجہد کر کے اسے باہر نکالا اور ہسپتال پہنچا دیا جبکہ مٹی کے تودے تلے آکر دب کر ہلاک ہونے والے مزدوروں کی نعشوں کو نکالنے کے لئے ریسکیو کا عملہ آپریشن کر رہا ہے۔
