مظفر گڑھ (نوائے وقت رپورٹ) آل پاکستان ٹینکرز ایسوسی ایشن نے جنوبی پنجاب میں پٹرول کی سپلائی روکدی۔ ایسوسی ایشن کے رہنما میر یوسف نے کہا کہ مظفر گڑھ تھرمل پاور پلانٹ اور پی ایس و انتظامیہ سے اختلافات کے بعد سپلائی بند کی۔ تھرمل انتظامیہ نے ہمارے 8 ساتھیوں کو گرفتار کرایا، ساتھیوں کی رہائی تک پٹرول کی سپلائی بند رہے گی۔ پمپ مالکان کا کہنا کہ سپلائی نہ ملنے پر پٹرول کا سٹاک ایک روز میں ختم ہوجائیگا۔