لاہور(خصوصی رپورٹر)نیو آکسفورڈ گرامر سکول‘ رچنا ٹائون کی طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظمؒ کا مطالعاتی دورہ کیا اور تحریک پاکستان کی تصویری گیلری بھی دیکھی۔ دریں اثناء موبائل نظریاتی تعلیمی یونٹس نے دوقومی نظریہ پر لیکچر دینے کے لیے ۔سٹی ڈسٹرکٹ گورنمنٹ گرلز ہائی سکول‘مزنگ اڈا ‘پی آر لیڈی گریفن گرلز کالج‘ڈویژنل پبلک سکول‘ ماڈل ٹائون‘گورنمنٹ گرلز ہائی سکول‘ چوبرجی گارڈنز‘ سٹی ڈسٹرکٹ گورنمنٹ گرلز مڈل سکول اسلامیہ پارک کا وزٹ کیا۔ مستفید ہونے والے اساتذہ اور طلبہ کی مجموعی تعداد516تھی ۔