لاہور (خصوصی رپورٹر) مسلم لیگ (ن) کے ممبران پنجاب اسمبلی سید زعیم حسین قادری‘ میاں مرغوب احمد‘ رانا تجمل حسین اور چودھری شہباز نے کہا ہے کہ وزیراعظم محمد نوازشریف کی معاشی پالیسیوں نے پاکستان کی معیشت کو استحکام کی راہ پر ڈال دیا ہے۔ اس پر وزیرخزانہ اسحاق ڈار بھی مبارکباد کے مستحق ہیں۔ گزشتہ روز اپنے مشترکہ بیان میں ممبران پنجاب اسمبلی نے کہا کہ معیشت کی بہتری سے پاکستان اور پاکستانی خوشحالی کی راہ پر گامزن ہو گئے ہیں۔