قصور+ چشتیاں+ موچھ (نامہ نگاران+ نمائندہ نوائے وقت) 3 بچوں کی ماں سمیت 3 خواتین نے خودکشی کر لی۔ تفصیل کے مطابق قصور کے علاقہ بھاگیوال کی 15 سالہ منزہ بی بی کی گھر میں اکثر گھر والوں سے تلخ کلامی ہوجاتی تھی۔ گذشتہ روز گھر والوں نے اس پر کام کا زور دیا تو اس نے غصہ میں آکر زہریلی سپرے پی کر زندگی کا خاتمہ کر لیا۔ موچھ اور چشتیاں میں شادی شدہ سمیت 2 خواتین نے خودکشی کرلی۔ موچھ کے محلہ بلند خیل کے ہدایت اللہ خان کی بیٹی نے گندم میں رکھنے والی زہریلی گولیاں کھا کر زندگی کا خاتمہ کر لیا ابھی تک خود کشی کی وجہ معلوم نہ ہو سکی ہے۔ چشتیاں کے نواحی گائوں 174 مراد میں شادی شدہ خاتون شگفتہ بی بی نے بیماری سے تنگ آ کر گلے میں پھندا ڈال کر خود کشی کر لی۔