ریاض( آن لائن ) سعودی عرب میں کام کرنے والے بھارتی کارکن نے اپنے ساتھی کو چھریاں مار کر قتل کر دیا جبکہ جرم چھپانے کے لئے اس کی نعش کو آگ لگادی۔ جمعہ کو سعودی ذرائع ابلاغ نے دارالحکومت کی پولیس کے حوالہ سے بتایا کہ اس جرم کا پولیس کو اس وقت پتہ چلا جب قالینوں کے گودام میں لگنے والی آگ بجھانے کے لئے فائر سروس کو طلب کیا گیا۔آگ بجھائے جانے کے بعد فائر فائٹرز کو ایک بھارتی کارکن کی نعش ملی جس پر پولیس نے موقع پر ہی ملازمین سے پوچھ گچھ کی جس کے دوران پتہ چلا کہ مقتول بھارتی ملازم کا ساتھی بھارتی ملازم سے پیسوں کے معاملے پر جھگڑا ہواتھا جس پر ساتھی ملازم نے موقع پاتے ہی چھریاں مار کر اسے قتل کردیا جبکہ اپنا جرم چھپانے کے لئے نعش قالینوں کے گودام میں رکھ کر آگ لگادی۔
بھارتی / چھریاں