آزادی ٹرین سکھر پہنچ گئی‘ سیاسی‘ سماجی شخصیات اور شہریوں نے پرجوش استقبال کیا
سکھر (اے پی پی) جشن آزادی کے سلسلہ میں پاکستان ریلویز کی جانب سے چلائی جانیوالی آزادی ٹرین گزشتہ شب دیر گئے سکھر اسٹیشن پہنچی، جہاں ڈی ایس سکھر اعجاز برڑو سمیت دیگر ریلوے افسران اور شہریوں سیاسی سماجی اور تجارتی انجمنوں کے نمائندوں کی ایک بڑی تعداد نے ٹرین کا پرجوش استقبال کیا۔ ٹرین کی تقریب میں سینٹ میری ہائی سکول سکھر کے بینڈ گروپ بچوں نے قومی ترانہ گایا اور سلامی پیش کی۔ جشن آزادی ٹرین کو رنگ برنگے بینرز پرچم فلوٹس اور ملک کے مختلف علاقوں کے ثقافتی رنگ کو نمایاں کیا گیا ہے جبکہ کشمیر گلگت بلتستان سمیت تمام صوبوں کی مختلف ثقافتی تاریخی عمارات کی نمائش کر کے تشخص کو اجاگر کیا گیا ہے۔
آزادی ٹرین
