کراچی (ایجنسیاں) کراچی میں رینجرز اور پولیس نے لیاری اور لیاقت آباد میں سرچ آپریشن کے دوران 4 دہشت گردوں کو گرفتار کرلیا۔ چاکیواڑہ پولیس نے لیاری کے علاقے رانگی واڑہ اور کوئلہ گودام میں سرچ آپریشن کیا۔ اس دوران ملزموں اور پولیس میں فائرنگ کا تبادلہ ہوا جس کے بعد پولیس نے لیارق گینگ وار بابا لاڈلا گروپ کے چار اہم ملزموں کو گرفتار کر لیا۔ گرفتار ملزموں میں گل بلوچ، حسن بلوچ، سکندر بلوچ اور اسلم بلوچ شامل ہیں۔ انکے تین ساتھی تنگ گلیوں سے فرار ہوگئے۔ ملزم منشیات فروخت کرتے تھے۔ ملزموں کے قبضے سے بھاری تعداد میں منشیال اور اسلحہ برآمد کرلیا گیا ہے۔