خانقاہ ڈوگراں (نامہ نگار) پتنگ اڑاتے ہوئے کرنٹ لگنے سے پہلی جماعت کا طالب علم جاں بحق ہو گیا۔ والدین پر غشی کے دورے۔ تفصیلات کے مطابق محلہ نواب پورہ کے محنت کش ذوالفقار بٹ کا آٹھ سالہ بیٹا تاویز گھر کی چھت پر پتنگ اڑا رہا تھا اچانک پتنگ قریب سے گزرنے والی بجلی کی مین تار میں پھنس گئی۔ ننھا تاویز پتنگ چھڑانے کے لئے جب قریب پہنچا تو بجلی کی تار سے چمٹ گیا اور موقع پر ہی جاں بحق ہو گیا جسے اہل محلہ نے کپڑے کی مدد سے بجلی کی تاروں سے آزاد کروایا۔ بچے کے موت کی خبر سن کر گھر میں کہرام مچ گیا۔