ابوظہبی سے آنے والی پرواز میں مسافر کا شور شرابہ عملے نے سیٹ سے جکڑ دیا‘ لاہور ائرپورٹ پر گرفتار
لاہور (خبرنگار) ابوظہبی سے آنے والی پرواز کے مسافر نے اپنی حرکات‘ شور شرابے اور بیہودگیوں سے جہاز کے مسافروں کو خوفزدہ اور پریشان کر دیا۔ جہاز کے عملے نے مسافر کو بار بار سمجھایا مگر وہ اپنی حرکات سے باز نہ آیا جس پر عملے نے اسے اس کی سیٹ سے جکڑ ڈالا۔ جہاز کے کپتان نے اس صورتحال سے لاہور ائرپورٹ انتظامیہ کو باخبر کر دیا۔ چنانچہ جہاز کے اترتے ہی اے ایس ایف کے جوانوں نے جہاز میں خوف و ہراس پھیلانے والے مسافر کینال سٹی کے رہائشی احمد سمیع کو حراست میں لے لیا۔ حراست میں لئے جاتے ہی احمد سمیع نے خود کو اعلیٰ سرکاری شخصیت قرار دینا شروع کر دیا۔
