سنچورین(سپورٹس ڈیسک) نیوزی لینڈ کیخلاف دوسرے ٹیسٹ کے دوسرے دن جنوبی افریقہ نے نیوزی لینڈ کو اپنے گھیرے میں لے لیا۔ جب کھیل ختم ہوا تو مہمان ٹیم کے 38پر تین کھلاڑی پویلین واپس لوٹ چکے تھے۔ ان کو اب بھی جنوبی افریقہ کی پہلی اننگ کا سکور برابر کرنے کیلئے 443 جبکہ فالو آن سے بچنے کیلئے 223رنز درکار ہیں جبکہ اس کی سات وکٹیں باقی ہیں۔ نیوزی لینڈ کے سر پر فالو آن کا خطرہ منڈلانے لگا ہے۔ اس سے پہلے جنوبی افریقہ نے اپنی پہلی اننگز8وکٹوں پر 481رنزبناکر ڈکلیئر کردی ۔ کپتان ڈو پلیسی نے 112رنز کی شاندار اننگز کھیلی۔ ڈی کوک نے 82رنز بنائے۔واگنر نے پانچ وکٹیں حاصل کیں۔