لاہور(کلچرل رپورٹر)اداکار مصطفی قریشی نے کہا ہے کہ شدید خواہش ہے کہ پنجابی فلموں کا دور دوبارہ واپس آئے،موجودہ دور میں اچھی فلمیں بن رہی ہیں جن میں مزید بہتری لانے کی ضرورت ہے۔پاکستان فلم انڈسٹری کا عروج دیکھا ہے اس لئے خواہش ہے کہ یہ دور واپس آ جائے ۔پنجابی فلموں نے ہماری انڈسٹری کو بڑا سہارا دیا اسے نظرانداز نہیں کرنا چاہیے۔موجودہ دور میںاچھی فلمیں بن رہی ہیں لیکن ہمیں نئے موضوعات تلاش کرنا ہوں گے۔ ہمیں کسی کی بھی نقل کرنے کی بجائے اپنے معاشرے کے مسائل اور ثقافت کو مدنظر رکھتے ہوئے سکرپٹ تحریر کرنا ہوں گے۔ ہمیں ان کی سوچ کو مد نظر رکھتے ہوئے فلمیں بنانے کی ضرورت ہے۔