ملتان(خبر نگار) اسلامی نظریاتی کونسل کے چیئرمین رکن قومی اسمبلی و جے یو آئی کے رہنما مولانا محمد خان شیرانی نے کہا ہے کہ الطاف حسین کو انگریزوں نے پٹی پڑھائی ہے کیونکہ آج بھی یہاں پر انگریز کی حاکمیت چلتی ہے اور مغرب کا موقف یہ ہے کہ دنیا میں دو ممالک پاکستان اور سعودیہ غیر فطری ہیں اور غیر فطری ممالک کا معاملہ ہے کہ انکی نہ تو کوئی تاریخ ہے اور نہ ہی کوئی بات ہے۔ انہوں نے کہاکہ ہم تقسیم کے ہرگز قائل نہیں ہیں کیونکہ تقسیم سے طاقت میں کمزوری آتی ہے اور کمزوری غلامی کو دعوت دیتی ہے اور وحدت سے قوت آتی ہے یہ بات انہوں نے گزشتہ روز حب آمد کے موقع پر بلدیہ ریسٹ ہاﺅس میں صحافیوں سے گفتگو کرتے ہوئے کہی۔ مولانا محمد خان شیرانی نے کہاکہ عمران خان تبدیلی کا نعرہ لگاتے رہیں انہیں کس نے روکا ہے۔