اسلام آباد + راجن پور + بہاولپور (اے پی پی + نوائے وقت رپورٹ) آزاد اکشمیر کے علاقے میں جیپ گہری کھائی میں گرنے کے نتیجہ میں 4 افرادجاں بحق اور 6 زخمی ہو گئے ہیں۔ جبکہ راجن پور کے علاقے کوٹلہ حسن شاہ میں کوچ کے حادثہ میں 4 مسافر جاں بحق ہوگئے۔ تفصیلات کے مطابق آزاد کشمیر کے علاقہ چہلیانہ کے نواحی گاﺅں جبڑی میں تیزرفتارجیپ موڑ کاٹتے ہوئے گہری کھائی میں جاگری ، جس کے نتیجہ میں 4 افرادموقع پر توڑ گئے جبکہ 6 زخمی ہو گئے ۔پولیس کے مطابق جاں بحق ہونے والوں میں میاں بیوی اوربچہ شامل اور زخمیوں میں تین خواتین شامل ہیں ۔ ادھر راجن پور میں کوچ حادثہ میں چار مسافرجاں بحق ہوگئے۔ حادثہ میں 30 مسافر زخمی ہوگئے جن کو طبی امداد کیلئے ہسپتال منتقل کردیا گیا ہے۔ مسافر کوچ کراچی سے پشاور جارہی تھی۔ علاوہ ازیں بہاولپور کے چک 19 باغ والہ کے قریب ٹریکٹر ٹرالی نے موٹر سائیکل کو ٹکر مار دی۔ پولیس کے مطابق ٹریکٹر ٹرالی کی ٹکر سے موٹر سائیکل پر سوار تین افراد جاں بحق ہوگئے۔
ٹریفک حادثات