سنچورین (سپورٹس ڈیسک)جنوبی افریقہ نے نیوزی لینڈ کو دوسرے ٹیسٹ میچ میں 204رنز سے شکست دے کر سیریز میں 1-0 سے جیت لی۔ جنوبی افریقہ نے دوسری اننگز 132رنز سات کھلاڑی آئوٹ پر ڈکلیئر کر کے کیویز کا جیتنے کیلئے 400رنز کا ہدف دیا ۔ مہمان ٹیم دوسری اننگز میں بھی مشکلات کا شکار رہی اور وکٹیں وقفے وقفے سے گرتی رہیں ۔ ڈیل سٹین مہمان بلے بازوںپر بجلی بن کر گرے اور ٹاپ آرڈر کو پویلین بھیج دیا ‘اس کے بعد ورنن فلینڈر مڈل آرڈر پر بھاری پڑے اور مہمان ٹیم کو مشکلات سے دو چار کردیا۔کیویز 195رنز بناکر پویلین لوٹ گئے۔نکولس 76رنز بناکرنمایاںرہے ۔سٹین نے5 جبکہ فلینڈ راور ربادا نے دو دو کھلاڑیوںکو آئوٹ کیا۔جنوبی افریقہ نے پہلی اننگز میں 8وکٹوں پر 481رنز جبکہ نیوزی لینڈنے 214رنز بنائے تھے ۔پہلا میچ بارش کی وجہ سے ڈرا ہوگیا تھا۔