اسلام آباد اور گردو نواح میں 5.1 شدت کا زلزلہ
اسلام آباد (آئی این پی) اسلام آباد اور گردو نواح میں 5.1 شدت کے زلزلے کے جھٹکے محسوس کئے گئے جس کے باعث لوگوں میں خوف و ہراس پھیل گیا‘ لوگ کلمہ طیبہ کا ورد کرتے ہوئے اپنے گھروں سے باہر نکل آئے۔ زلزلے کا مرکز چین کا علاقہ سیچوان تھا۔ محکمہ موسمیات کے مطابق زلزلے کے جھٹکے 8 بج کر 22 منٹ پر محسوس کئے گئے۔ زلزلے کے باعث تاحال کسی جانی و مالی نقصان کی اطلاع موصول نہیں ہوئی۔
