گوادر (آن لائن) گوادر کے علاقے پیشکان میں کمرے میں جنریٹر کا دھواں بھرنے سے ایک بچے سمیت چار افراد جاں بحق ہو گئے۔ ذرائع کے مطابق گوادر کے علاقے پیشکان میں کمرے میں جنریٹر کا دھواں بھرنے سے ایک ہی خاندان کے چار افراد جاں بحق ہو گئے۔ علاقے میں بجلی نہ ہونے کی وجہ سے مذکورہ خاندان جنریٹر چلا کر سو رہا تھا۔ تاہم کمرے میں دھواں بھرنے کے باعث چار افراد دم گھٹنے سے جاں بحق ہو گئے۔ دم گھٹنے سے جاں بحق ہونے والوں میں خاتون اور بچہ بھی شامل تھا۔ پولیس ذرائع کے مطابق چاروں افراد کی نعشوں کو ڈی ایچ کیو ہسپتال منتقل کردیا گیا۔