پاکستان آگہی پروگرام، مقامی یونیورسٹی کے اساتذہ اور طلبہ کا ایوان کارکنان تحریک پاکستان کا دورہ
لاہور (خصوصی رپورٹر) سپیریئر یونیورسٹی انجینئرنگ ڈیپارٹمنٹ رائے ونڈ روڈ کے طلبا و طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظم کا مطالعاتی دورہ کیا اور تحریک پاکستان کی تصویری گیلری بھی دیکھی ۔ دریں اثناء موبائل نظریاتی تعلیمی یونٹس نے دوقومی نظریہ پر لیکچر دینے کے لیے سمنز گروپ آف کالجز سمن آباد کیمپس پونچھ روڈ گورنمنٹ پبلک ماڈل ہائی سکول نین سکھ شاہدرہ بروک فیلڈ گروپ آف سکولز جی ٹی روڈ مناواں ، سٹی ڈسٹرکٹ گورنمنٹ گرلز مڈل سکول بیگم کوٹ کا وزٹ کیا ۔ مستفید ہونے والے اساتذہ اور طلبہ کی مجموعی تعداد611 تھی ۔
