جی 20 کانفرنس، مودی چینی صدر کو سی پیک پر تحفظات سے آگاہ کریں گے : بھارتی میڈیا
نئی دہلی(آئی این پی)بھارتی میڈیا نے دعویٰ کیا ہے کہ وزیراعظم نریندر مودی چین کے شہر ہینگ جو میں ہونے والی جی 20سربراہی اجلاس کے موقع پر چینی صدر شی جن پنگ سے ملاقات کے دوران چین پاکستان اقتصادی راہداری منصوبے پر تحفظات بارے بات کریں گے۔ بھارتی میڈیا کے مطابق ہینگ جو میں ہونے والے جی 20سربراہی اجلاس کے پہلے روز وزیراعظم نریندر مودی چینی صدر شی جن پنگ سے ملاقات میں چین پاکستان اقتصادی راہداری منصوبے سمیت دیگر مسائل پر دوطرفہ اختلافات پر بات چیت کا امکان ہے ۔
