ٹریفک حادثات میں میاں بیوی سمیت 11 افراد جاں بحق
فیصل آباد/ وزیر آباد/ بھلوال/ خاران (نمائندہ خصوصی+ نامہ نگاران+ آن لائن) ٹریفک کے مختلف حادثات میں 11 افراد جاں بحق ہو گئے۔ جھمرہ روڈ پر 40سالہ عابد موٹرسائیکل پر تیز رفتاری سے جاتے ہوئے سریا سے لوڈ ریڑھی سے ٹکرا گیا۔ کھرڑیانوالہ کے قریب تیز رفتار موٹر سائیکل قربانی کے اونٹ سے ٹکرانے کے سبب چالیس سالہ سکندر حیات جاں بحق اور عمرحیات زخمی ہو گیا جبکہ قربانی کا اونٹ بھی ہلاک ہو گیا۔بھلوال میں میڈیکل کالج سرگودھا کے سامنے موٹر سائیکل سوار میاں بیوی سڑک پر کھڑی ٹرالی سے ٹکرا گئے جس کے نتیجے میں دونوں موقع پر جاں بحق ہوگئے جبکہ 14 سالہ بیٹا حارث شدید زخمی ہوگیا۔
