لاہور (خبرنگار) پی آئی اے کا قبل از حج آپریشن آج 5 ستمبر کو اسلام آباد سے جدہ کیلئے آخری خصوصی پرواز PK-2337 کی دوپہر2.30 پر روانگی کے ساتھ ہی ختم ہوجائیگا۔ پی آئی اے کی جانب سے عازمین حج کو لیجانے کا آغازایک ماہ قبل 4 اگست کو ہوا تھا۔ اس دوران پاکستان کے دس شہروں اسلام آباد، کراچی، لاہور، پشاور، کوئٹہ، فیصل آباد، ملتان ، سیالکوٹ، سکھر اور رحیم یار خان سے 51 ہزار سے زائد عازمین حج کو 268 خصوصی اور شیڈول پروازوں کے ذریعے حجاز مقدس پہنچایا گیا۔پی آئی اے کے بعد از حج آپریشن کا آغاز 17 ستمبر کو ہوگا حجاج کرام کی واپسی 16 اکتوبر تک جاری رہیگی۔