مظفر نگر (اے پی پی) بھارتی ضلع مظفرنگر کے ایک گاؤں میں کھیت میں کام سے انکار پر دلت جوڑے پر حملہ کے بعد دلتوں نے بھر پور احتجاج کیا جس پر پولیس نے حملہ آوروں کے خلاف مقدمہ درج کر لیا ۔ اتوار کو بھارتی ذرائع ابلاغ کی رپورٹس کے مطابق پیپل ہیرا انامی گائوں میں ایک دلت شخص راجوپرگنے کے کھیت میں کام کرنے سے انکار پر کھیت کے مالک انعام سنگھ اور اس کے اہل خانہ نے حملہ کردیا جب اس دلت کی بیوی منتیش اپنے خاوند کو بچانے کے لئے آگے بڑھی تو انہوں نے اس کے ساتھ بھی بدتمیزی کی اور منتیش کو مارا پیٹا ۔ اس واقعہ کے بعد علاقہ کے دلت بڑی تعدادمیں تھانے کے باہر جمع ہوگئے اور بھر پور احتجاج کیا۔ پولیس نے مالک اور اس کے اہلخانہ کے خلاف مقدمہ درج کرتے ہوئے تحقیقات شروع کر دیں۔