لاہور(کلچرل رپورٹر) اداکار کمال ایرانی کی27ویں برسی کل منائی جائیگی ۔ مرحوم نے فلموں کے علاوہ ٹی وی ڈرامو ںمیں بھی اداکاری کے جوہر دکھائے۔ وہ منفراندازکی بدولت بہت مقبول ہوئے ۔بطورکریکٹرایکٹرانہوں نے بے شمارفلموں میں فن کاسکہ جمایا۔ان کے کردارفلم بینوں میں بہت مشہورہوئے ۔ ان کی مشہور فلموں میں ’’سوھنی مہینوال،نیا راستہ،بہاروں پھول برساؤ،آئینہ ،خان بہادر‘‘ اور دیگر شامل ہیں۔وہ 12ستمبر 1989ء کو دنیا فانی سے رخصت ہو گئے ۔