لاہور(نمائندہ سپورٹس ) فاسٹ باؤلر محمد عامر 20 ستمبر کو شادی کے باعث ویسٹ انڈیز کے خلاف سیریز کے لیے ٹیم کے ہمراہ دبئی نہیں جائیں گے۔محمد عامر کی شادی کی رسومات عیدالاضحیٰ کے بعد شروع ہوں گی۔ عامر نے 19ستمبر، 20 ستمبراور 21 ستمبر کو پروگرام ترتیب دیے ہیں ‘ قومی ٹیم 20 ستمبر کو متحدہ عرب امارات کیلئے رورانہ ہوگی۔ 3 ٹی ٹونٹی، 3 ون ڈے اور 3 ٹیسٹ میچوں پر مشتمل سیریز کا آغاز 23 ستمبر کو ٹی ٹونٹی سے ہوگا۔ پی سی بی اہلکار کا کہنا ہے کہ وہ پہلے دو ٹی ٹونٹی میچ نہیں کھیل سکیں گے ۔