نیویارک(سپورٹس ڈیسک) سال کے چوتھے اور آخری گرینڈ سلام یو ایس اوپن ٹینس ٹورنامنٹ کے مینز سنگلز کا فائن کل کھیلا جائیگا۔ سربیا کے ٹینس سٹار اور عالمی نمبر ایک نوواک جوکووچ اور سوئٹزرلینڈ کے عالمی نمبر تین کھلاڑی سٹانسلاس واورینکا اپنی عمدہ کارکردگی کی بدولت یو ایس اوپن ٹینس ٹورنامنٹ کے مینز سنگلز کے فائنل میں پہنچ چکے ہیں جبکہ فرانس کے گیل مونفلس اور جاپان کے کائی نیشیکوری سیمی فائنل میں شکست کے بعد میگا ایونٹ سے باہر ہو چکے ہیں۔ جوکووچ نے فرانس کے گیل مونفلس کو ہرا کر میگا ایونٹ کا فائنل کھیلنے کا اعزاز حاصل کرلیا جبکہ سٹانسلاس وارینکا نے جاپان کے کائی نیشیکوری کو ہرا کر میگا ایونٹ کا فائنل کے لئے کوالیفائی کیا۔ویمنز سنگلز کا فائنل آج کھیلا جائیگا۔ جرمنی کی انجلیق کربر اور جمہوریہ چیک کی کیرولینا پالیسکووا فائنل میں ٹائٹل کے حصول کیلئے پنجہ آزمائی کرینگی۔