اخترآباد ( نامہ نگار)دوسرا طار شہید ٹرو کرکٹ میلہ البدر کرکٹ کلب نے جیت لیا،پانچ ہزار انعام اور ٹرافی حاصل کر لی،غلام رسول نے چار وکٹ اور شکیل احمد نے ایک اوور میں 37رنز بنائے۔ دوسرا سالانہ طارق رضا شہید کرکٹ میلہ فارسٹ پارک حجرہ شاہ مقیم کے گراﺅنڈ میں ہوا جس میں مہمانانِ خصوصی محمد جہانگیر خاں غوری،طارق رضا شہید کے بھائی آصف رضا ، حافظ اعظم، مہر استخار احمد تھے۔ اس موقع پر تنویر احمد ساجد،امجد سلطان، رائے نوید بلاول،حافظ اعظم پر مشتمل ٹورنا منٹ کمیٹی کی زیر نگرانی البدر کرکٹ کلب اور حجرہ ٹائیگر کرکٹ کلب کے مابین فائنل میچ ہوا جس میں بیس اوورز میں 185رنز کا ہدف البدر کرکٹ کلب نے اٹھارہ اوورز میں مکمل کر کے ٹورنامنٹ جیت لیا۔ میچ میں البدر کی جانب سے شکیل احمد نے ایک اوور میں 37رنز کا ریکارڈ قائم کیا جبکہ بولرغلام رسو ل نے چاروکٹ گراکر پانچ ہزار روپے اور ٹرافی اپنی ٹیم کے نام کر دی۔