لاہور(کلچرل رپورٹر)معروف اداکار جاوید شیخ گلوکاربن گئے۔انہوںنے حال ہی میں کراچی میں زیرتکمیل فلم ”سوکروڑ“ کے گیت ریکارڈکرایاہے جس کی دھن نوید ناشاد علی نے تیارکی ہے اورگیت نگار امرخان ہیں۔ واضح رہے کہ اداکار جاوید شیخ نے پہلی بارکسی فلم کےلئے گائیکی کا مظاہرہ کیا ہے۔ ان کا کہنا تھاکہ مجھے گائیکی بہت شوق ہے لیکن اداکاری سے فرصت ہی نہیں ملی کہ میں موسیقی کو وقت دے پاتا۔ اب تھوڑا بہت وقت دینے لگا ہوں۔ مجھے امید ہے کہ میرا یہ گیت لوگوںکو پسند آئے گا۔