کراچی (سٹاف رپورٹر) پاکستان پیپلز پارٹی کے چیئرمین بلاول بھٹو زرداری کی ہدایت پر آج 21 ستمبر کو ان کی 28ویں سالگرہ کی تمام تقریبات منسوخ کر دی گئی ہیں اور چیئرمین بلاول بھٹو زرداری کی ہدایت پر صوبائی وزراء اور پارٹی کے رہنما اس موقع پردرالسکون، ایدھی سینٹرز، کاشانہ اطفال، جناح ہسپتال اور سول ہسپتال میں بچوں کے وارڈوں کا دورہ کرینگے۔ اس موقع پر وہاں موجود بچوں سے ملاقات کرینگے اور ان میں بلاول بھٹو زرداری کی جانب سے ان کی سالگرہ کے موقع پر تحائف تقسیم کرینگے۔اس سلسلے میں آج بروز بدھ 21ستمبر کو پہلی ٹیم صوبائی وزیر نثار کھوڑو نفیسہ شاہ، راشد ربانی اور خالد لطیف ایدھی ہوم کلفٹن کا 2 بجے دوپہر دورہ کرینگے۔