لاس اینجلس (اے ایف پی) ہالی ووڈ کی معروف اداکارہ انجلینا جولی نے بریڈ پٹ سے طلاق کی درخواست دائر کر دی۔ انہوں نے 6 بچوں کی حوالگی کی بھی درخواست کی ہے۔ ویب سائٹ ٹی ایم زیڈ نے منگل کے روز بتایا 41 سالہ انجلینا جولی نے پیر کے روز دائر درخواست میں کہا کہ انکے 52 سالہ بریڈ پٹ کے ساتھ اختلافات ناقابل صلح ہو چکے ہیں۔ دونوں 2004ء سے اکٹھے تھے، 2014ء میں انکی شادی ہوئی، ستمبر 2015ء سے دونوں میں علیحدگی ہوئی تھی۔ وکیل نے کہا یہ فیصلہ خاندان کی صحت کی خاطر کیا گیا ہے۔ دونوں کے 3 بچے لے پالک تھے۔