حضرت عثمان غنیؓ کا یوم شہادت آج عقیدت و احترام سے منایا جائیگا
لاہور (خصوصی نامہ نگار) خلیفہ سوم سیّدنا حضرت عثمان غنی ؓ کا یومِ شہادت آج 18 ذی الحجہ بروز بدھ ملک بھر میں انتہائی عقیدت و احترام سے منایا جائے گا۔ اس سلسلہ میں مختلف دینی و مذہبی جماعتیں ملک بھر میں جلسے، سیمینار اور دیگر تقریبات منعقد کریں گی جن میں مقررین حضرت عثمان غنی ؓ کے فضائل و مناقب، سیرت و کردار اور آپ کی بے مثال فتوحات پر روشنی ڈالتے ہوئے اُن کو زبردست خراجِ عقیدت پیش کریں گے جبکہ قومی اخبارات خصوصی اشاعت اور ریڈیو، ٹی وی ودیگر ذرائع وابلاغ حضرت عثمان غنی ؓ کے یومِ شہادت کے سلسلہ میں خصوصی پروگرام و نشریات پیش کرینگے۔
