کھٹمنڈو (بی بی سی ڈاٹ کام) نیپال کے دارالحکومت کھٹمنڈو کے دو سکولوں کے باہر کم شدت کے بم دھماکے ہوئے۔ دھماکوں کے نتیجے میں کوئی جانی نقصان نہیں ہوا تاہم ایک سکول کے دروازے کو نقصان پہنچا ہے۔ شہر کے پانچ دیگر سکولوں کے باہر سے بھی بم برآمد ہوئے ہیں۔ دارالحکومت کے پانچ دیگر سکولوں کے باہر سے بم برآمد ہوئے جنہیں ناکارہ بنا دیا گیا۔ بکرم تھاپا نے بتایا کہ دھماکے کے سلسلے میں پولیس نے دو مشتبہ افراد کو گرفتار کیا ہے۔ دھماکوں کی جگہ سے پمفلٹ بھی ملے ہیں جن پر بچوں کو مفت تعلیم دینے کا مطالبہ تحریر تھا۔