لاڑکانہ: جھنڈے اتارنے کے معاملے پر پی پی شہید بھٹو اور پی پی پی کے کارکنوں میں تصادم، 3زخمی
لاڑکانہ (صباح نیوز) لاڑکانہ میں پی پی شہید بھٹو گروپ اور پیپلز پارٹی میں جھنڈے اتارنے پر جھگڑے میں 3 کارکن زخمی ہو گئے۔ پیپلز پارٹی شہید بھٹو کے جلسے کے بعد جھنڈے اتارنے کے معاملے پر پیپلز پارٹی شہید بھٹو گروپ اور پیپلز پارٹی کے کارکنوں میں تصادم ہو گیا جو بیس منٹ تک جاری رہا۔ تصادم کے دوران کارکنان نے گھونسوں، لاتوں اور ڈنڈوں کا کھلے عام استعمال کیا جس کے نتیجے میں تین کارکن زخمی ہو گئے۔ تاہم پولیس نے موقع پر پہنچ کر جھگڑا ختم کروایا۔
