لاہور (خبر نگار) شمالی علاقہ جات کی فضائی حدود کی بندش کی وجہ سے پی آئی اے نے اپنی پروازوں کے شیڈول میں تبدیلی کی ہے۔ ترجمان پی آئی اے کا کہنا ہے کہ سول ایوی ایشن کی جانب سے موصول ہدایات کے مطابق آج 26 ستمبر کو اسلام آباد سے گلگت کی پرواز PK607 صبح 5.15 پر روانہ ہو گی جبکہ گلگت سے اسلام آباد کی پرواز PK608 صبح 7 بجے روانہ ہو گی۔ یہ پروازیں اپنے مقررہ وقت سے 45 منٹ قبل روانہ ہو رہی ہیں۔اسی طرح اسلام آباد سے سکردو کی پروازPK451صبح 5.15 پر روانہ ہو گی جبکہ سکردو سے اسلام آباد کی پروازPK452 صبح 7 بجے روانہ ہو گی، یہ پروازیں اپنے مقررہ وقت سے تقریباً 3 گھنٹے پہلے روانہ ہو رہی ہیں۔ ترجمان کے مطابق پی آئی اے کال سینٹر مسافروں کی جانب سے بکنگ کے وقت فراہم کئے گئے ٹیلیفوں نمبرز پر فرداً فرداًاس تبدیلی کی اطلاع دے دی گئی ہے۔