میانوالی (نامہ نگار) پاک فضائیہ کا بغیر پائلٹ طیارہ ڈراون میانوالی کے قصبہ مدار والا کے قریب گر کر تباہ ہو گیا۔ بغیر پائلٹ کے اڑنے والا طیارہ فنی خرابی کی وجہ سے گرا ہے۔ ڈراون گرنے کے فوراً بعد ریسکیو 1122میانوالی اور دوسری امدادی ٹیمیں جائے حادثہ پر پہنچ گئیں اور طیارہ گرنے کے اردگرد کسی کو جانے سے روک دیا۔ ریسکیو کے مطابق ڈراون طیارہ میانوالی تلہ گنگ روڈپر واقع قصبہ مدار والا کے کھیتوں میں گرنے کی وجہ سے کوئی جانی و مالی نقصان نہیں ہوا۔ ڈراون طیارہ میانوالی ائر بیس سے اڑنے کی اطلاع ہے۔