کوئٹہ (بیورو رپورٹ+ نوائے وقت رپورٹ) ددر پراجیکٹ میں سرنگ میں پھنسے چینی انجینئر اور پاکستانی مزدور کو نکالنے کیلئے پاک فوج کا دستہ پہنچ گیا، تاہم 36گھنٹوں سے پھنسے چینی انجینئر اور پاکستانی مزدورکے جاں بحق ہونے کا خدشہ ظاہرکیا جا رہا ہے تفصیلات کے مطابق گزشتہ روز بلوچستان کے ضلع لسبیلہ کی تحصیل کنراج میں ددر پراجیکٹ میں بجلی بند ہونے کی وجہ سے لفٹ سرنگ میں پھنس جانے کی وجہ سے کئی چینی انجینئر اور مزدور پھنس گئے تھے تاہم مقامی انتظامیہ نے انہیں کئی گھنٹوں کی محنت کے بعد باحفاظت نکال لیا تھا لیکن ایک چینی انجینئر اور ایک پاکستانی مزدور 36گھنٹوں سے سرنگ میں پھنسے ہوئے ہیں۔ پاک فوج کے جوانوں نے ریسکیو آپریشن شروع کرکے چینی انجینئر اور پاکستانی مزدورکو نکالنے کا کام شروع کر دیا تھا۔