فضائی حدود کی بندش، پی آئی اے نے گلگت اور سکردو کی دوطرفہ پروازیں منسوخ کر دیں
لاہور(خبر نگار)پی آئی اے نے شمالی علاقہ جات کی فضائی حدود کی بندش کی وجہ سے آج 27 ستمبر کو گلگت اور سکردو کی دو طرفہ پروازیں منسوخ کر دی ہیں۔ پی آئی اے کے ترجمان کے مطابق مسافروں کو ہونے والی زحمت پر معذرت خواہ ہیں۔ پی آئی اے کال سینٹر نے بکنگ کے وقت مسافروں کی جانب سے فراہم کردہ ٹیلیفون نمبرز پر کال اور پیغامات کے ذریعے تبدیلی کی اطلاع دے دی ہے۔
