سیالکوٹ/ پسرور (نامہ نگاران) تھانہ پھلورہ کے علاقہ گلاںوالی میں محبت کی شادی کرنے والی لڑکی کو دیور اور اس کے سسر نے مبینہ طور پر تشدد کرکے ہلاک کردیا، پولیس نے دونوں ملزمان کو گرفتار کرلیا ۔ پولیس کے مطابق سعودی عرب میں روزگار کیلئے مقیم انصر حسین کے ساتھ عظمیٰ نے محبت کی شادی کی تھی، انصر حسین سعودی عرب چلا گیا تو عدم موجودگی میں گھر میں لڑائی جھگڑوں کے بعد عظمیٰ کو اس کے دیور مستنصر حسین نے اپنے والد کی مدد سے مبینہ تشدد کا نشانہ بنایااور اسے ہلاک کردیا اور اسے سپردخاک کرنے لگے تو ورثاء کی شکایت پر پولیس نے کارروائی کرکے نعش قبرستان میںدفنانے سے روک دیااورا سے قبضہ میں لے کر پوسٹ مارٹم کیلئے سول ہسپتال بھجوادیا اورکارروائی کرکے مستنصر حسین اور اس کے والد کو گرفتار کرکے تفتیش شروع کردی ہے ۔