لاہور(سپورٹس رپورٹر) چیف آف آرمی سٹاف انٹرنیشنل سکواش چیمپئن شپ مصر کے کھلاڑی عمر عبدالمجید نے جیت لی۔ تفصیلات کے مطابق اسلام آباد میں ہونے والی چیف آف آرمی سٹاف انٹرنیشنل سکواش چیمپیئن شپ کے فائنل میں مصر کے کھلاڑی عمر عبدالمجید نے ملائیشیا کے ایون یوئین کو ہرایا۔ ان کی جیت کا سکور 8-11، 5-11 اور 4-11 رہا۔ واضح رہے کہ مصر کے عمر عبدالمجید نے سیمی فائنل میچ میں پاکستان کے طیب کو تین صفر سے ہرایا تھا۔ چیمپیئن شپ کے فائنل کی اختتامی تقریب کے مہمان خصوصی آرمی چیف جنرل راحیل شریف تھے جنہوں نے کھلاڑیوں میں انعامات تقسیم کیے۔ واضح رہے کہ چیف آف آرمی سٹاف انٹرنیشنل سکواش چیمپیئن شپ کی انعامی رقم 25 ہزر ڈالر تھی۔