ڈسکہ/ ساہیوال/ گجرات (نمائندہ خصوصی + نامہ نگاران) گھریلو حالات سے دلبرداشتہ ہوکر 5 بچوں کے باپ سمیت 2 افراد کی خودکشی جبکہ جیل میں عمرقید کے مجرم نے پھندا لے لیا۔ تفصیل کے مطابق ڈسکہ کے موضع پیرو چک کے رہائشی پانچ بچوں کے باپ محمد خالد کا گھریلوحالات کی وجہ سے اکثر گھر والوں سے جھگڑا رہا تھا۔ گزشتہ رات جھگڑے سے دلبرداشتہ ہوکر گندم میں رکھنے وای گولیاں نگل لیں، حالت خراب ہونے پر اسے طبی امداد کے لئے سول ہسپتال لایاگیا جہاں پر وہ جانبر نہ ہوسکا۔ 9/111۔ ایل کا رہائشی قیدی محمد اسلم جوکہ اغوا اور مقدمہ قتل کے جرم میں سینٹرل جیل ساہیوال میں عمر قید کی سزا کاٹ رہا تھا جیل حکام نے بتایا کہ جب اسے مشقت لے لئے جایا گیا تو وہاں پر اس نے موقع پاکر اپنی شلوار سے اوزار بند نکال کر مبینہ طور پر پھندا لے لیا، نعش کو پوسٹمارٹم کے لئے ڈی ایچ کیو ہسپتال منتقل کر دیا گیا ہے۔ گجرات کے نواحی گائوں ویرووال کے رہائشی محمد آصف نے گھریلو پریشانیوں کی وجہ سے زہریلی گولیاں نگل لیں جسے فوری طور پر ہسپتال لے جایا گیا جہاں وہ جانبر نہ ہو سکا۔