فیصل آباد: ڈکیتی‘ چوری‘ راہزنی کی 25 وارداتیں ‘شہری لاکھوں نقدی‘ قیمتی اشیاء سے محروم
فیصل آباد ( نمائندہ خصوصی ) ڈکیتی‘ راہزنی و چوری کی 25وارداتوں کے دوران شہری لاکھوں روپے نقدی ‘قیمتی طلائی زیورات ‘بھاری مالیت کی بیٹریاں ضروری اشیاء اور 8موٹرسائیکلوں سے محروم ہو گئے‘ تفصیلات کے مطابق نواب ٹائون میں عرفان ‘وارث پورہ میں شہزاد ‘چک نمبر254ر ب میں یوسف ‘حسیب شہید کلاونی کے قریب مبشر‘ عبداﷲ پور میں منیر حسین ‘نثار اکبر ہوزری کے قریب بابر ‘اڈہ اچکیرہ میں نشان حیدر ‘ طارق آباد میں عطاء محمد‘ فوجی چوک میں طارق سے نقدی موبائل‘ گرین ویو کالونی غلام محمد آباد میں اسلم ‘چناب گارڈن میں خضر حیات اور کینال روڈ پر نعیم سے ڈاکوئوں نے موٹر سائیکلیں‘ لاکھوں روپے نقدی چھین لی‘ کوہ نور سٹی میں حارث زید کی گھریلو ملازمین بھاری مالیت کا قیمتی سامان نقدی و موبائل فونز لے اڑیں‘ ہجویری ٹائون سے احسن ‘سمندری روڈ سے محمد علی ‘ راجہ ٹائون سے طاہر‘ انار کلی بازار سے اصغر اور جی سی یونیورسٹی کے قریب عمر کی موٹرسائیکلیں چوری ہو گئیں ‘چک نمبر374گ ب میں ڈاکوئوں نے ابرار سے نقدی بیٹریاں وغیرہ چھین لیں ۔
