لاہور(سپورٹس رپورٹر+ نمائندہ سپورٹس ) پاکستان سکواش فیڈریشن کے زیراہتمام چیف آف نیول سٹاف انٹرنیشنل سکواش ٹورنامنٹ 15 سے 22 اکتوبر تک مصحف سکواش کمپلیکس اسلام آباد میں کھیلا جائے گا جس میں قومی کھلاڑیوں سمیت 10 ممالک کے 16 غیر ملکی کھلاڑیوں بھی شرکت کریں گے۔ پاکستان سکواش فیڈریشن کے سیکرٹری گروپ کیپٹن عامر نواز کے مطابق ایونٹ میں مصر کے عمر عبدالمعید ٹاپ سیڈڈ ہوں گے۔ چیف آف نیول سٹاف انٹرنیشنل سکواش ٹورنامنٹ 15 سے 22 اکتوبر تک مصحف سکواش کمپلیکس میں کھیلا جائے گا جس میں مصر، نیوزی لینڈ، امریکا، فرانس اور آئرلینڈ سمیت مجموعی طور پر 10 ممالک کے 16 غیر ملکی کھلاڑیوں نے شرکت کی تصدیق کر دی ہے۔