لاہور (نمائندہ سپورٹس+سپورٹس رپورٹر+ نوائے وقت رپورٹ) بگ تھری نظام میں ناکامی کے بعد آئی سی سی اجلاس میں اس میں تبدیلی کا فیصلہ کر لیا۔ کرکٹ میں بگ تھری نظام متعارف کروانے والے بھارت، انگلینڈ اور آسٹریلیا تھے۔ تمام کرکٹ بورڈز میں فنڈز کی تقسیم کے طریقہ کار میں تبدیلی پر غور کیا گیا۔ چیئرمین آئی سی سی ششانک منوہر نے کہا ہے کہ انتظامی اور مالی ڈھانچے کی تبدیلی بورڈز کے آئندہ اجلاس میں ہو گی۔ اجلاس میں پاکستان کو سپیشل گرانٹ دئیے جانے کی تجویز منظور کی گئی ہے۔ معطل امریکی ایسوسی ایشن کو 2 ماہ میں آئی سی سی آئین پر عملدرآمد کی ہدایت کی گئی ہے۔ ٹی 20 ورلڈ کپ 2020ء آسٹریلیا میں ہوگا ۔