سری نگر (اے این این)آرگنائزیشن آف اسلامک کارپوریشن (او آئی سی)نے 18 اور 19 اکتوبر کو ازبکستان میں ہونے والے 43ویں اجلاس میں حریت قیادت سے منسلک 6رہنمائوں کو شرکت کی دعوت دی۔ علی گیلانی، میر واعظ عمر فاروق، آسیہ اندرابی، صدر آزاد جموں و کشمیر مسعود خان، وزیر اعظم راجہ فاروق حیدر اور غلام محمد صفی کے نام دعوت نامے میں شامل ہیں۔ دعوت نامے میں کہا گیا کشمیری عوام کے اصلی نمائندوں کو شرکت کی دعوت دی گئی ہے مگر حکومت ازبکستان نے واضح کیا ہے کہ شرکت کرنے والے تمام افراد کو اخراجات خود ہی برداشت کرنے ہونگے۔