نیویارک (این این آئی) ورلڈ اکنامک فورم نے فن لینڈ کو ایک بار پھر دنیا کا سب سے پر امن، پاکستان کو چوتھا غیر محفوظ ملک قرار دیا ہے۔ ورلڈ اکنامک فورم نے گلوبل ٹریول اینڈ ٹورزم رپورٹ کے تحت دنیا کے سب سے زیادہ پرامن اور غیر محفوظ ممالک کی فہرست جاری کی۔ رپورٹ میں سکیورٹی کے حوالے سے فن لینڈ کو 6.7 پوائنٹ دیئے گئے ہیں، فہرست میں پاکستان کو 3.04 پوائنٹ دیئے گئے ہیں۔ رہائش کے اعتبار سے سب سے زیادہ پرامن ممالک یورپ، سب سے زیادہ غیر محفوظ ممالک لاطینی امریکہ، افریقہ، ایشیا اور مشرق وسطیٰ میں ہیں۔ سب سے زیادہ پر امن ممالک میں دوسرا نمبر قطر، تیسرے نمبر پر متحدہ عرب امارات شامل ہے۔ ان ممالک میں آئس لینڈ، آسٹریا، لکسمبرگ، نیوزی لینڈ، سنگاپور، اومان اور پرتگال شامل ہیں۔ خطرناک ممالک کی فہرست میں نائیجیریا کے علاوہ کولمبیا، یمن، پاکستان، وینزویلا، مصر، گوئٹے مالا، ایل سیلوا ڈور، ہنڈراس اور تھائی لینڈ شامل ہیں، بھارت غیر محفوظ ممالک کی فہرست میں تیرہویں نمبر پر ہے۔